Кеше, яғни, наурыздың 30-ы күні Газа секторы шекарасында болған қақтығыс нәтижесінде 14 палестиналық опат болып, 1,3 мың адам жарақат алды. Түрлі деңгейде. Наурыз айының 30-ы күні палестиналықтар Жер күнін өткізуді әдетке айналдырған. 1976 жылдың наурыз айының 30-ы күні израилдіктер палестиналықтарға тиесілі жүздеген гектар жерді тартып алғанына байланысты. Жылда бұл күні израилдіктер мен палестиналықтар қақтығысып, әдетте өзінен күші басым изриалдік күштік құрылымдардан зардап шегеді. Кеше де мыңдаған палестиналық жерін даулап, наразылық шеруіне шыққан еді. Шеруді тарату үшін израилдік арнайы жасақ пен полиция көзден жас ағызатын газ қолданып, пластикалық оқтың астына алды.