10.01.2021 11634 Ойтамшы
«Нұр Отан» партиясының атынан депутаттыққа түсуім ұсынылды...
Осыдан шамамен екі ай бұрын маған алдымыздағы болатын парламенттік сайлауға «Нұр Отан» партиясының атынан депутаттыққа түсуімді және негізгі тізімде болатындығымды уәде еткен арнайы ұсыныс түскен болатын. Бұл ұсынысқа қатысты менде екі түрлі ой болды.
 
Бір ойым: «депутат ретінде халықтың үнін жоғарғы жаққа жеткізсем, ел үшін билік партиясының мүмкіншіліктерін пайдалана отырып қызмет етсем, несі жаман?» дейді. Екінші ойым: «халық менен дін адамы ретінде басқаларға қарағанда көбірек үміт күтіп, сенім артады. Әділдікті талап етеді. Ал әлі толық өзгере қоймаған ескі жүйе халықтың осы сенімін маған толық ақтауға мүмкіншік берер ме екен? Оның үстіне сайлаудың толық әділ өтетіндігі де күмәнді. Саясат тайғақ, жылтыр мұз секілді. Саясат белгілі келісімдерден тұрады.
 
Менің саясат бойынша кей тұстарда үнсіз қалғанымды көрген жұрт менен бұрын діннен суып кетуі мүмкін» деп күмәнданады. Сонымен үш күн ойланып, бұл жолғы сайлауға түсе алмайтынымды айтып, бас тарттым. Мүмкін дұрыс, бәлкім қателескен шығармын. Бастысы ниетім түзу. Осы орайда түрлі партиялардың атынан депутаттыққа үміткер ретінде кейбір жақсы азаматтар да түсіп жатыр екен. Олар менің бірінші ойыма сай шешім қабылдады деп ойлаймын. Сондықтан алдағы сайлауда оларға тек сәттілік тілеймін.
 
П.С.С. Сайлауда дауыс ұрлаудың харам екенін де білдіре кетейін.
facebook парақшасынан.
(05.01.2021ж)
1 пікір