Біріккен Ұлттар Ұйымының Бас Ассамблеясында сөз сөйлеген Катар әміршісі, шейх Та́мим бин Хамад бин Хали́фа әл-Та́ни «Мызғымайтын жартас» деп аталатын жуырдағы операция кезінде «әскери қылмысқа» барып, бейбіт тұрғындарды қырғаны үшін Израилді әлемнен оқшаулау мәселесін көтерді. Ол әлем қауымдастығын Израилмен байланысты үзуге үндеді. Сондай-ақ, ол израилдік өкілдерді дипломатиялық жиындарға шақырмауды ұсынды. БҰҰ Қауіпсіздік кеңесіне қарата айтқан сөзінде ол Палестина жерін жаулап алуын дереу тоқтатуды Израилге міндеттейтін қарар қабылдауды талап етті.