Қасиетті Мекке шаһарында қажылық кезінде орын алған, 717 адамның өмірі қиылған және 863 адам жарақат алған төтенше жағдайдың ықтимал себебі айтылды. Сауд Арабиясы билігі, дәлірегі, осы елдің ішкі істер министрлігінің ресми өкілі Мансұр ат-Түрки осы төтенше жағдайға байланысты өткен арнайы баспасөз мәслихатында мәлімдеме жасап, бұл төтенше жағдай түрлі бағытта жылжыған қажылардың екі тобының, атап айтқанда, 204 пен 223 жолдарының қиылысқан жерінде кездесіп қалуынан орын алған. Ал елдің денсаулық сақтау министрі Халид Фаляхтың айтуынша, бұл төтенше жағдайға әр елден келген қажылардың кезек кестесін сақтамағандығы себеп болған. Куәгерлердің сөзіне қарағанда, саудиялық билік қажыларға кезегі жазылған кестені таратқан.