Таяуда Германия аумағында жүргізілген ресми халық санағынан белгілі болғандай, Еуропаның қақ төріндегі елде соңғы 6 жыл ішінде мұсылмандар қарасы 5 есеге көбейген. Бұл жайында islam.kz порталы Daily Sabah ақпарат көзіне сілтеме жасай отырып мәлім етеді. Көші-қон мен босқындар ісі жөніндегі федералды басқарма жүргізген халық санағының нәтижесі бойынша аталған ел аумағында бүгінде 5,3 млн-нан 5,6 млн-ға дейін мұсылман тұрып жатыр. Ал бұл көрсеткіш 2015 жылы бар-жоғы 900 мыңнан аспап еді. Осылайша Германиядағы мұсылмандар қарасы ел тұрғындарының 6,4%-дан 6,7%-ға дейін құрап отыр. Аталмыш федералды басқарма жетекшісі Ханс-Экхард Соммердің айтуынша, елдегі мұсылмандар қарасы тынышы қашқан Таяу Шығыстан келгендер есебінен көбейіп отыр.