Еуропадағы ең шағын мемлекеттердің бірі – Лихтенштейн де ислам банкингін дамытуға мүдделі. Осы мақсатта үстіміздегі жылдың қазан айының 28-і күні арнайы жиын өтеді. Аталмыш шараға шариғат білгірлері, ислами қаржылай қызмет көрсету кеңесінің (IFSB)  мүшелері қатысады. Бұл жайында MuslimEco ақпарат көзі хабар таратты. Лихтенштейн билігі ислами қаржы нарығының жылдан жылға қарқынды дамып келе жатқандықтан осындай қадамға барып отыр. Сондай-ақ, бұл ел Ислами қаржылай қызмет көрсету кеңесіне кіру жолдарын қарастырып жатыр. Қазіргі уақытта Лихтенштейн билігі елде ислами қаржы институттарын қалыптастыру бағытында жұмыс істеп жатыр. Дәлірегі, заңнамаға ислами қаржы секторын дамытудың алғышарты мен құқықтық негізін енгізуді жоспарлауда.