Австралияның мұсылман ақ жаулықтылары осы айда обыр ауруының кесір-кесапаты, оның бастапқы кездегі белгілерінің қандай болатыны жайында ақпарат таратуды мақсат етіп, «Қызғылт шариғат шәлісі» күнін өткізуді жоспарлап отыр. «Әйелдер өздерін толғандырған барлық сауалын қоюға мүмкіндік алады әрі білікті дәрігерлерлермен тікелей тілдесе алады», - деді осы шараны ұйымдастырғандардың бірі.  «Australian Muslim women» тобы ұйымдастыратын аталмыш шара үстіміздегі жылдың қазан айының 23-і күні Дарра мешітінде өтеді. Нақтырақ айтқанда, әйелдерге тән обыр түрлері бойынша дәрістер оқылады.