Американың Индиана штатында жоғары сынып мұғалімі болып қызмет ететін Джессика Хейз өзінің Иса пайғамбарға “күйеуге шығу” салтанатты рәсімін өткізді. 

Бұл туралы nur.kz порталы ras.kz сайтына, ал аталмыш ақпарат көзі The Daily Mail басылымына сілтеме жасай отырып хабар таратты.

Джессика Хейз есімді бойжеткен өз еркімен және ресми түрде өмірін Құдайға құлшылық етуге арнауға шешім қабылдаған әйелдердің қатарынан табылды. Ал АҚШ-та мұндайлардың саны қазір 230-ға жетіп отыр екен.

Олар осыдан соң  ешкіммен жыныстық қатынас жасамауы және тірі адамға күйеуге шықпауы  тиіс.

Бұл жолғы ерекше үйлену тойы Индиана штатындағы Форт-Уэйн қаласындағы соборда өтті. Тойда Джессика өзінің баяғыдай өмір сүре беретінін, бірақ енді ешқашан тұрмыс құра алмайтынын айтты.

«Мектепке барғанымда оқушыларым миссис Хейз деп атауға болатын-болмайтынын сұрады. Жоқ, мен әлі мисспін. Бірақ мен Исаға күйеуге тигенмін», – деп атап өтті қыз.

Өзгеше тойға келушілер көп болыпты. Олардың арасынан тіпті Хейзді танымайтын кісілер де кездескен.