Олардың 40%-ына ретинопатия диагнозы қойылады. Аурудың бұл түрі шала туған нәрестелерде ғана болады. Бұған дейін олардың басым бөлігі мүгедек болып қалатын. Енді лазерлік аппараттың арқасында балалардың жарық дүниені көру мүмкіндігі арта түседі. Қазақстанда осындай сегіз аппарат болса, оның екеуі Алматыда.

"Ескеретін жайт, диагноз қойылғаннан кейін 24-72 сағаттың ішінде емдеген ғана тиімді. Дер кезінде емдемесе, көздің ішкі тор қабығы қабаттанып, нәресте өмір бойы зағип болып қалады. Ең бастысы, диагнозды дұрыс қойып, ем-домды тез бастау керек" - дейді көз аурулары ҚазҒЗИ офтальмологы Әсел Шәріпова.