Қасиетті Рамазан айын әр елдің билігі әрқалай қарсы алады. Жазасын өтеп жатқандарға рақымшылық жасалады, жұмыс күнін қысқартады, т.б. Христиан елі мұсылман елдерінің билігіне үлгі болатын әрекетке барып отыр. Германия канцлері Ангела Меркель ел аумағындағы мұсылман кәсіпкерлерді, яғни, шариғат талаптарына сай азық-түлік нарығы мен халал мейрамханалардың қожайынын табыс салығынан босатты. Мақсаты елдегі ауыз бекіткен мұсылмандар тұтынатын шариғи азықтың қымбаттап кетуіне жол бермеуге саяды. Германия басшысы мұндай жеңілдікті 2016 жылдан бері қолданысқа енгізіп келе жатыр. Яғни, игі істі дәстүрге айналдырған. Бұл жайында бірнеше бұқаралық ақпарат құралдары жарыса жазды.