Өзге елде жүрсе де ұлттық салт-дәстүрлерімізді бізден жақсы ұстанатын қандастарымыз Қазнетті тамсандырды.

Біз әлі лимузиндердің қызығына тоймай жүргенде, Қытайда жүрген қандастарымыз тойды ұлттық салт-дәстүрлерге сай етіп жасап жүр. Осындай тойлардың бірінен жасалған бейнеролик ғаламторда таралып, Қазақстан халқының да ризашылығын тудырды.

Кейбір ғаламтор пайдаланушылар: "бір-ақ рет үйленген соң тойды да замануи, жоғары деңгейде өткізген дұрыс" дегенді алға тарса, басқалары: "Көріңіздерші қандай әдемі. Қыздың жасауын әкелуі, ұлттық нақышта жасауы қатты қуантады, жарайсындар!", "Керемет! Таза қазақтар осылар шығар", "Елден жырақ жүрсе де, салт-дәстүрді сақтаған. Осылай үйленсем ба деп қалдым", - деген қолдауларын жеткізіп жатыр.