Саудиялық студент табиғи әрі техногендік апаттан құтқаруға мүмкіндігі бар жоғары технологиялы құрылғы ойлап тауып, «Радикалды инновация – 2015» байқауында бас жүлдені қанжығасына байлады. Тарқатып айтқанда, Эффат Ясмин университетінің студенті Әбдіфаттаһ Сүлеймен жоғары технологиялы «ағаш бұтақтарына» орналасатын үрлемелі үйлер жобасы үшін мәртебелі марапатқа ие болды. Бұл жайында Al Arabiya ақпарат көзі хабар таратты. «Ағашқа ілінген үй» – құрлықта да, суда да орнатуға болатын жиналмалы конструкция. «Ағаштың діңі» электр энергиясын өздігінен өндіреді.