Қасиетті сапарды ұйымдастырған компаниялар қажыларға көрсететін өздерінің қызметінде «бес жұлдызды немесе «VIP» деген атауларды қолданатын болса, жазаланады. Бұл жайында саудиялық полицияның аға офицері мәлімдеме жасады. Сауд Арабиядағы жол қауіпсіздігінің басшысы, генерал-майор Халид әл-Катанидің айтуынша, қажылық мердігерлерінің көбісі бұл атауларды Сауд Арабиясында да, одан тысқары жерлерде де қаржыны күреп табу мақсатында, яғни, қажыларды көптеп тарту үшін жиі пайдаланады екен. Осылай дей келе ол қажылықтың туристік сапар еместігін тілге тиек етті.