Шөлейттенуге қарсы 1,7 млрд ағаш отырғызылды

Қытай аумағындағы ішкі Моңғолия шөлейттенуге қарсы майдан алаңына айналған. Тура мағынасында. Соңғы жеті жыл ішінде өз еркімен 76,5 млн адам ағаш отырғызуға жұмылдырылған. Бұл жайында қытайлардың әлемге әйгілі Синьхуа ақпарат агенттігі хабар таратты. Аталмыш ауқымды науқан аясында аталған мерзім аралығында 445 млн ағаш отырғызлған. 1981 жылдан бері ішкі моңғолияның 400 мыңға тарта аумағында 1,7 млрд ағаш отырғызылған екен.