Тамыз айының 10-ы күнінен бастап шетелдік қажыларға ұмра өтеуге рұқсат етілді. Саудия билігі жұқпалы індеттің таралуына тосқауыл қою мақсатында қатаң шектеу шаралары сақталатынын, соның ішінде, тек тәжді тажалға қарсы екпе алғандары ғана қасиетті мекенге кіргізілетінін ескертеді. Бұл жайында islam.kz порталы саудиялық бұқаралық ақпарат құралдарына сілтеме жасай отырып мәлім етеді. Дәлірегі, ұмра өтегісі келетін шетелдіктер Саудия билігі мақұлдаған Pfizer, Moderna, Johnson& Johnson, AstraZeneca екпелерін алғандар ғана кіші қажылығын өтей алады. Қажылар алдымен карантиннен өтеді Саудия жеріне аяқ басқаннан кейін, содан соң короновирусқа қарсы ПЦР-тест тапсырады. Нәтижесі теріс шыққандарын ғана ұмраны өтей алады.