Саудия қарулы күштерінің құрамында тұңғыш рет тек әйелдерден тұратын бөлімше пайда болды. Бұл жайында Arab News мерзімді басылымы аталған араб елі қарулы күштерінің штаб жетекшісі,  генерал Файяд әр-Рууайлиге сілтеме жасай отырып хабар таратты. Аталмыш ақпарат көзінің хабарына қарағанда, 2019 жылдың қараша айында Саудия билігі әйелдерге кіші капрал, капрал, сержант, жаяу құрлық әскерінің штаб сержанты ретінде, сондай-ақ, әскери-әуе күштерінде, әскери теңіз күштерінде, әуе қорғанысында, стратегиялық маңызды зымыран әскерінде қызмет етуге пәрмен берген.