Ұлыбританияның Мейдстондағы сотта "А" класына жататын есірткі затын сақтағаны үшін айыпталған Никола Остиннің ісі қаралды. Үстіміздегі жылдың қаңтар айының 31-і күні Танбридж-Уэллс қаласына таяу маңдағы екі британдық тұрғынның үйіне полиция тінту жүргізген еді. Иісшіл ит олардың жатын бөлмесінен жалпы құны 300 доллар тұратын 6 грамдық кокаинды тауып алды. Остин бұл есірткі затын 18 жасқа толатын қызының туған күніне сатып алғанын айтып ақталды. Анасы кәмелет жасына толатын қызымен осы есірткіні тұтынып, көңіл көтермек болған екен. Бұрын да бұл әйел есірткі затымен қолға түскен болатын. Бұл жолы да ол жазадан оңай құтылып кетті. Ол сот шешімімен 250 сағат түзету жұмыстарын орындайтын болады.