Жақын арада Сауд арабиясында, дәлірегі, қасиетті Мекке мен Мәдина қалаларында соңғы технологиямен жабдықталған балалар орталығы ашылып қалуы әбден мүмкін. Бұл орталықта қажылық парызын өтеуге келгендер балаларын уақытша қалдыра алады. Мұндай бастаманы жергілікті педагогтар мен психологтар көтерген екен. Бұл жайында marwa ақпарат көзі хабар таратты. Бұл қызмет түрі қайырымдылық ұйымдардың қаржысы есебінен көрсетілетін болады. Яғни, қажылар бесінші парызын алңсыз өтеуі үшін осындай жағдай жасалып отыр - бұл қызмет түрін тегін пайдалана алады. Мұндай орталық балалардың қауіпсіздігі мен денсаулығы үшін ашылады. Айта кетейік, қажылардың кейбіреуі балаларын да өздерімен бірге қасиетті сапарға алып шығады.