Испания мен Португалияда адам өмірі мен денсаулығына аса қауіпті, өлімге әкелетін легионеллёза ошағына айналды. Лиссабон қаласының емханасында қазіргі уақытта 28 адам жатыр. Осы індетті жұқтырған. Испанияның Майорка қонақ үйлерінің бірінде 13 турист аталған індетті жұқтырған, олардың біреуі бақилық болып кетті. Айта кетейік, қазан айының соңында Каталонияда осы індеттен тағы екі адам ажал құшқан еді. Легионеллёз — адамның дене қызуы көтерілетін, жүрегі айнитын, өкпе мен ас қорыту және орталық жүйке жүйесін зақымдайтын ауру түрі. Ауа тамшылары арқылы жұғады.