Коммунистік режим үстемдік еткен Куба билігі ел астанасында мешіт ашу жоспарынан бас тартты. Гаванадағы мұсылман жамағатының жетекшісі Педро Лазо Торрестің айтуынша, Түркияның дін істері жөніндегі ұйымымен бірігіп осы елде тұңғыш мешіт ашпақшы болған әрекеттері өз нәтижесін бермеген. Сондай-ақ, ол бұл елде Ресей Федерациясының православ шіркеуін ашуға рұқсат алғанын айта келіп, 4000 жамағаты бар мұсылмандар құлшылық үйінің ашылмай қалғанына алаңдаушылық білдірді. Куба мұсылмандары бұрынғысынша жамағатпен намазды осы елдегі мұсылмандар жетекшісінің қонақ үйінде оқып жүргенін де жайып салды.