АҚШ-ның Кентукки штатындағы Уисвилль қаласының тұрғындары тайлы-тұяғымен жергілікті мешітке жиналып, жақында ғана вандалдардың шабуылына ұшыраған құлшылық ордасының сыртын тазартуға кіріскен. Өткен аптаның сәрсенбісінде белгісіз біреулер мешіт қабырғасына түрлі жазулар мен суреттер салып кеткен болатын. Болған оқиғаны естіген өзге дін өкілдері сенбілікке қатысып, қолғабыс білдірді. Сауапты іске мектеп оқушылары да үлес қосты. Мешіт қабырғасындағы жаулық ниеттегі сөздер мен анайы суреттерді кетіру үшін қала тұрғындарына ақша жинап, бояу сатып алған көрінеді.