Ресей Федерациясының қоғам мүшелері Мемлекеттік Думадан іш киіммен түскен және жартылай жалаңаш адамдар бейнеленген жарнамаға заң жүзінде тыйым салуды талап етіп отыр. Осы мәселеге қатысты заң жобасының авторы, «Қауіпсіздік үшін» деп аталатын қоғамдық ұйымның жетекшісі Дмитри Курдесовтың айтуынша, әйел адамның іш киімі бейнеленген жарнамалар көлік тізгінінде отырғандардың назарын өзіне бұрып, жол қауіпсіздігіне нұқсан келтіріп қана қоймай, сонымен қатар, әлі оң-солын танып болмаған балалар мен жасөспірімдердің психикасын бұзады. Яғни, тәрбиесіне кері әсерін тигізеді. Дмитри Курдесовтың бұл ұсынысы Мемлекеттік Думадағы отбасы, әйелдер мен балалар мәселелерімен шұғылданатын комитет тарапынан қолдау тапты.