Еуропа елдерінің арасында Палестина тәуелсіздігін мойындап жатқан мемлекеттердің қатары көбейіп келеді. Осыған байланысты Израил билігінен маза қашты. Изриалдің қорғаныс министрі  Моше Яалон жуырда жөйттердің бұқаралық ақпарат құралдарына берген сұхбатында Палестинаны егеменді ел ретінде мойындамайтынын айтып, мәлімдеме жасады. Ол ол ма, құрлықтан әрі әуеден Палестинаны толық бақылауда ұстау керектігін алға тартты. Жақын арада Біріккен Ұлттар Ұйымының Қауіпсіздік кеңесіне мүше елдер Палестина мемлекетін құру туралы қарардың жобасы бойынша дауыс береді. Аталмыш құжатта 2016 жылға дейін 1967 жылы жаулап алынған Палестина жерін босатып беруі турасында талап қарастырылған.