Йеменде сүнниттің адамы болғаны үшін заңды билікті мойындамай бүлік шығарып, ел ішін алатайдай бүлдірген хуситтік тайпа көтерілісшілері өздері басып алған аумақта адамдар жиналатын іс-шараларды өткізуге, соның ішінде, намаз оқуға, медреседе бәлім алуға тыйым салды. Gulf News мерзімді басылымы хабарлағандай, йемендіктер соғыс өртінің тұтануына түрткі болған хуситтерді жек көреді әрі қарғайды. Мұсылмандар намаздарында хуситтерге қарсы дұға етеді. Естеріңізге сала кетейік, 2015 жылдан бері тоқтамаған соғыстан он мыңдаған адам опат болды. Елдің алды аштыққа ұшыраған. Жығылға жұдырық дегендей, ауыз су тапшылығынан тырысқақ індеті бас көтеріп, 44 адамның өмірін қиып үлгерді. Олардың көбісі -балалар.