Солтүстік Рейн – Вестфалия неміс жеріндегі Бад-Зальцуфлен қаласында бой көтерген жаңа мешіт өткен сенбіде исламофобтардың қастығынан отқа оранып, кіреберісі өрттің салдарынан айтарлықтай зақымданды. Өрт сөндірушілер 9 адамды құтқарды. Олардың үшеуі бала. Бұл жайында OnIslam.net ақпарат көзі хабар таратты. 2012 жылы Германияда мешіттерге 18 рет шабуыл жасалған екен. Осы жылдың өзінде мұсылмандардың бірнеше құлшылық үйі вандалдар мен исламофобтардың қастығынан отқа оранған болатын. Исламофобтар қанша жаныққанымен осы елдегі түрік мұсылмандары мен ұлты неміс мұсылман жамағаты арандатуға бастайтын жат әрекеттерге сабыр ете білді.