|
Еуроодақ тәуелсіз Палестина мемлекетін құруға шақырды
|
Еуродақтың дипломатиялық миссиясының жаңа басшысы Федерика Могерини тәуелсіз Палестина мемлекетін құруға шақырды. «Біз Палестина мемлекетін құруымыз керек. Бұл негізгі мұрат. Еуродаққа мүше барлық елдің ұстанымы осындай»,- деді ол Газа секторына ресми сапарында. Бұл жайында ArabNews ақпарат көзі хабар таратты. «Тек Газа халқы ғана емес, сонымен қатар, бүкіл әлем төртінші соғысты қаламайды. Біз қол қусырып күтіп отыра алмаймыз. Егер бұлай етсек мұның бәрі тағы 40 жылға созылады. Біз қазірден бастап әрекет етуіміз керек»,- деп мәлімдеді артынша.
