Әлемдегі миллиардерлердің дәулетін шотқа салып, тізімін жариялап отыратын "Forbes" басылымы үстіміздегі жылдың бас кезіндегі санында мысырлық сегіз миллиардердің аты-жөнін атады. 2013 жылы капиталы 13 млрд долларға бағаланған олардың дәулеті биыл 23,4 млрд-қа жеткен. Есесіне, пирамидалар елінде кедейлердің күнкөріс деңгейі күрт төмендеп кеткен. Яғни, ат төбеліндей байлар байыған үстіне байып, дәулеті еселеп артса, жұпыны тіршілік кешетіндер тақыр кедейге айналып барады. Былайша айтқанда, бай мен кедей арасындағы алшақтық ұлғайып, әлеуметтік қатерлі сипат алған. Мәселен, 2010 жылы бұл елде 16,5 млн адам  кедейліктің ең төменгі шегінде өмір сүрсе, бұл көрсеткіш 2013 жылы, яғни, аз уақыттың ішінде 21,5 млн адамға жеткен.