Шорхэм-бай-Си қаласындағы авиашоуда болған Hawker Hunter ұшағының апатынан жеті адам қаза тапты, - деп хабарлайды tengrinews.kz порталы Sky News ақпарат көзіне сілтеме жасай отырып.

 Куәгерлердің айтуынша, жойғыш ұшақ әуеде орағытпақ болған, дегенмен ол шоссеге құлады. Интернетте ұшақтың құлаған сәті түсірілген видео пайда болды.

Жедел жәрдем қызметі жеті адамның қаза тапқанын хабарлады. Қаза тапқандар ұшақ құлаған автотрассадағы көліктердің ішінде болған. Тағы 14 адам ауыр жараланды, біреуінің жағдайы тым ауыр.

Кей ақпарат құралдары ұшқыштың аман қалғанын жазды. Дегенмен құқық қорғау органдары мұны растаған жоқ.