Имам Әбу Юсуфқа бір кісі сұрақтарын қоя бастапты. Әбу Юсуф өзіне қойылған сұрақтардың кейбіріне еш қысылмастан «білмеймін» деп жауап қатады. Сонда ол сұрақтарға жауап ала алмаған әлгі кісі ашуланып: «Білмесең, несіне қазынадан айлық алып отырсың?» - деп қалады. Сонда Әбу Юсуф байсалды қалпын бұзбастан: «Мемлекет менің білгендерімді бағалап айлық төлейді. Ал білмегендерім үшін де айлық алатын болсам, онда қазынада қаражат қалмас еді» деген екен.