Сот үкімімен 54 шетелдік ғаламтор ресурсына еліміздің аумағында өз өнімдерін таратуына тыйым салынды. Бұл жайында BNews.kz ақпарат көзі хабар таратты. Сот мұндай үкімді 652 ғаламтор ресурсына қатысты 23 шағымның негізінде шығарды. Сот үкімен еліміздің аумағында өнімдерін таратуына тыйым салынған шетелдік ғаламтор ресурстары онлайн режимінде құмар ойындар бойынша қызмет көрсеткен, сондай-ақ, 12 заңсыз материалды жариялаған, яғни, қатыгездік пен зорлық-зомбылықты насихаттаған. Қазақстан Республикасының «Бұқаралық ақпарат құралдары туралы» заңның 1-ші бабының 4-ші және 5-ші тармақтарына сәйкес ғаламтор ресрустары да БАҚ-қа жатады. Ондағы жарық көрген материалдар да БАҚ өнімдері болып табылады.