Петропавлда 1-сынып оқушысы күрделі математикалық есептерді оңай шешеді
|
Петропавл қаласының 1-сынып оқушысы күрделі математикалық есептерді оп-оңай шеше алады.
Батырхан Сағандықов миллион, миллиардтарды ойша алып-қосып, сағаттарды секундқа айналдырады. Логикалық тапсырмалардың да жауабын жазбай айтады. Батырхан Сағандықовтың есеп-қисапқа деген қабілеті осыдан басталған.
Сағатты секундқа айналдырып жүрген бала кейіннен күрделі сандардың да шешімін табады. 7 жасар бала осындай есептерді ойша шешеді. Көбейту-бөлу амалдарын білмесе де, долларды теңгеге аударады. Жауабын да көп күттірмеді.
Бір қызығы, Батырхан берілген тапсырманың шешілу жолын түсіндіре алмады. Ата-анасының айтуынша, бала өзімен өзі санай бастаған. Тіпті 4-сыныптың есептерін шемішкеше шағады.
Динара Сағындықова, Батырханның анасы: - Осындай есептерді бір минут болмай шешеді. Жауабын дұрыс тапса да, қалай шығарғанын білмейді. Кейде айтады. Бірақ мен түсінбеймін.
Батырхан биыл бірінші сыныпқа барды. Баланың математикаға деген ынтасы зор. Сондықтан ата-анасы оны лицейге берді.
Ирина Гришкова, бастауыш сынып мұғалімі - Бастапқы бағдарлама бойынша 10-ға дейінгі сандарды үйреніп жатырмыз. Балалар қосу-алу амалдарымен танысты. Әркімнің қабілеті әр түрлі. Кішкентай математик есеп шығарып қана қоймай, ән айтып, гимнастикамен шұғылданады. Ал арманы – актер болу.