Биыл бірыңғай латын қарпіне көшу жоспарланып отыр. Бұл жайында Қазақстан Республикасының білім және ғылым министрі Ерлан Сағадиев Үкімет ғимаратында өткен баспасөз жиынында мәлім етті. Ол аталмыш жобаның маңыздылығына тоқтала келіп, қателікке жол бермес үшін абайлап әрекет ету керектігін еске салып өтті. Сондай-ақ министр осы мақсатта арнайы комиссияның құрылғанын жеткізді. Естеріңізге сала кетейік, маусым айының 23-і күні елбасы Нұрсұлтан Әбішұлы Назарбаев қазақ тілін латыншаға көшіру процесін кешіктірудің еш негізі жоқтығын мәлімдеген болатын.