Қажылық пен ұмрада селфи жасауға тыйым салынды

Индонезиялық "Жакарта Пост" ақпарат көзі таратқан хабарға қарағанда, Сау Арабиясы билігі Мекке мен Мәдина қалаларында орын тепкен қасиетті қос мешіт аумағында селфи жасауға тыйым салған. Саудия билігінің мұндай қадамға баруына соңғы кезде қажылардың қасиетті мекенде өздерін таспаға тартып, артынан әлеуметтік желіге салатыны себеп болған. Онда тұрған не бар дерсіз? Ең бастысы, қасиетті орында әдеп сақтауды алға тартып отыр. Бұған қоса, селфи жасаған адам өзге қажылардың назарын өзіне еріксіз аударып, олардың құлшылығына кедергі келтіреді.