Көшпелі өмір салтын ұстанатын индонезиялық тайпаның бірнеше мүшесі жақсы өмірден үміт етіп, ислам дінін қабылдады. Оранг Римба тайпасының өкілдері тілдерін кәлимаға келтіргеннен кейін аты-жөндерін мұсылманша есімге ауыстырды. Көп ұзамай жаңа төлқұжат алатын болады. Бұл жайында The Daily Mail ақпарат көзі хабар таратты. Аталған тайпаның балалары күн сайын жиналып, қасиетті Құранға ден қойып, асыл дініміздің негіздерін зерделеп жүр. Меценат мұсылмандар тарту еткен орамалды бастарына тартқан қыз балалар мен тақия киген ұл балалар дәріс тыңдап жүр. Айта кетейік, ислам дінін қабылдаған тайпа мүшелері қатты өзгерген. Олар бұрын жартылай жалаңаш жүретін болса, қазіргі уақытта көпшілік жиналған жерлер мен көшеге толық киініп шығады, бұл - бір, екіншіден, гуманитарлық және қайырымдылық көмек жиі келеді мұсылмандар тарапынан.