|
Эбола вирусын он мың адамға дейін жұқтыруы мүмкін
|
Дүниежүзілік денсаулық сақтау ұйымының (ДДҰ) бас директорының көмекшісі Брюс Эйлвардтың мәлімдеуінше, Эбола вирусын жұқтырғандардың қарасы бүгінгі таңда шамамен 4,5 мың адамға жеткен. Егер аталмыш індетті екі айдың ішінде тоқтатпаса, желтоқсан айының бас кезіне қарай 10 мың адамға дейін Эбола безгегін жұқтыру қаупі барын да жасырмады. Бұл жайында «Новости» ақпарат агенттігі хабар таратты. Қазіргі уақытта әлемнің жеті елінен Эбола вирусын жұқтырғандар тіркелген: Гвинея, Либерия, Нигерия, Сенегал, Сьерра-Леоне, Испания және АҚШ.
