«Каллиграфия – поэзия желісі» деген атпен Алматы қаласында араб каллиграфиясының көрмесі өтеді. Ақпан айының 28-не дейін. Онда каллиграф Асылбек Орынбасаровтың өнер туындылары жұртшылықтың назарына ұсынылады. Қылқалам шебері Алматыда тұңғыш рет араб каллиграфиясының мектебінің іргетасын қалаған. Ол қазақтың дәстүрлі "сиягет" стилін жандандыруды көздейді. "Сиягет" стилі Темір билігінің тұсында пайда болған. "Біздің аймаққа каллиграфия Ираннан Самарқан мен Бұқара арқылы келді. XV ғасырда. Алғашында ол "фарси та’лик", "шекисте" стилінде болса, кейін біздің қалыпқа көшті",- деді ол. Асылбек "сиягет" стилінен бөлек каллиграфияның алты стилін игерген, бұл стилдерді еңбектерінде жиі қолданады.