Тәжікстан халқының имамдарға деген сенімі соңғы төрт жылдың ішінде бес есеге құлдыраған. Бұл жайында  радиосы аталған елдің Исламтану орталығы жетекшісінің орынбасары Рұстам Әзізге сілтеме жасай отырып, хабар таратты. Оның айтуынша, 2012 жылы халықтың арасында жүргізілген әлеуметтік сауалнама нәтижесі бойынша ел тұрғындарының жартысы имамдарға сенім білдірген екен, ал 2016 жылы бұл көрсеткіш 9,7 %-ға дейін төмендеген. "Бұл әлеуметтік құбылыс, бәлкім, қазіргі уақытта адамдардың ақпаратты түрлі көздерден алуынан болар. Бұрын діни ақпаратты тек имамдардан ғана алатын еді ғой. Ендігі жерде сізді толғандырған кез келген сауалдың жауабын ғаламтордан іздейтін болдық қой",- деді сарапшы.