Әдетте мұсылман жамағаты Пайғамбарлар падишасы – Мұхаммед Мұстафаның (Алланың сәлемі мен игілігі жаусын) сүннетінен, яғни, өсиетінен ауытқымауға тырысады. Сөз жүзінде де, іс жүзінде де. Ақиық елшінің (с.а.с.) әр әрекетіне еліктейтін мұсылмандар намаз оқыған кезінде сәжде ететін жерінен көзін айырмауға тырысады. Намаз қимылдары кезінде бір нүктеге қадалған күйі одан көз айырмауға тырысқан мұсылман сәждеден басын көтергенде және сәждеге барғанда әлгі нүктеге бірде жақындап, бірде алыстайды. Бұл өз кезегінде көздің қарашығы ұлғайып, көру қабілетін арттырады. Бұл бірнеше рет қайталанатындықтан көзге жасалған өзінше жаттығу іспетті болады. Бұл жайында « IslamNews» ақпарат агенттігі “Watan“ ақпарат ресурсына сілтеме жасай отырып, хабар таратты.