Саудия билігі туристік саланы қолға алып жатыр. Ел экономиикасын әртараптандыру мақсатында. Бұл жайында аталған елдің туризм және ұлттық мұра жөніндегі бас басқарманың жетекшісі, ханзада Сұлтан бен Салман бен Әбдіәзәз мәлім етті. Оның айтуынша, келесі жылдан бастап Саудия осы елге саяхаттап келгісі келетін шетелдіктерге электронды жолмен туристік виза беруді бастайды. Сөз орайы келгенде айта кету керек, жыл сайын бұл елге сырттан 16 млн адам келіп-кетеді екен. Алайда, олардың арасында туристер жоқ, Өйткені, бұл елдің есігі тек қажылар мен іссапармен келгендерге және еңбек мигранттарына ғана ашық. Бұрын Саудия билігі 2020 жылға қарай жыл сайын туризм саласынан кем дегенде 47 млрд доллар табуға бел байлап отырғандарын мәлімдеген еді.