Бразилияның Сан-Паулу қаласында оқыс оқиға орын алды. Қолында қаруы бар әлдебір ер адам тапа тал түсте көшеде кетіп бара жатқан әйелді кепілдікке алып, жүздеген жүргіншінің көзінше оған қаруын кезеп, тонамақ болған. Жарты сағат бойы әйелді босатпаған қылмыскерге көшеден өтіп бара жатқан адам тап берген. Осы сәтті пайдаланған әйел қылмыскердің қолынан сытылып кетеді. Алайда, оны құтқарған адам өлімші болып жараланады. Бұл кезде полиция қызметкерлері де қарап қалмай, қылмыскерге оқ жаудырады. Қылмыскерде жараланады. Ал кепілдікке алынған әйелге араша түскен адам қаза табады. Кей мәліметтерге қарағанда, ол үйсіз-күйсіз жүрген қаңғыбас болып шыққан.