Немістердің Зул қаласында жаға ұстатарлық жағдай орын алды: босқын ер адам қасиетті Құран кітабының парақтарын жыртып, дәретхана унитазына тастаған. Оның бұл әрекеті өз кезегінде уақытша пана болатын жергілікті лагердегі босқын мұсылмандардың ашу-ызасын тудырды. Бұл жайында IslamNews ақпарат көзі The Daily Mail басылымына сілтеме жасай отырып хабар таратты. Ондаған мұсылман қасиетті Құран кітабын қорлаған ауған жігітінің соңынан қуды. Нәтижесінде ауған жігітін лагер күзетшісі тоқтатқан. Ал дені сириялық босқындардан тұратын қуғыншылар ауған жігітін талап етіп, күзетшілермен және тәртіп сақшыларымен қақтығысып қалды.