Британиялық Morrisons супермаркеттер желісі мұсылмандарды мазақ еткендей қасиетті Рамазан айымен құттықтай отырып, дүкен сөресіне доңыз етін қойыпты. Бұл жайында «IslamNews» порталы «The Daily Express» ақпарат көзіне сілтеме жасай отырып, хабар таратты. Тұтынушы мұсылман «Рамазан айымен құттықтаймыз» деген жазудың астынан доңыз етін аталмыш сауда желісінің бірнеше дүкенінен байқап қалған. Ол бұл көріністі фотосуретке түсіріп, әлеуметтік желілерге орналастырған. Іле-шала «мұны әдейі істеді ме, әлде өрескел қателік пе» деген сауалдың төңірегінде дау туды. Сауда желісінің басшылары «әдейі істеген жоқпыз», деп ақталғанымен мұсылмандар олардың сөзіне сенген жоқ. Жергілікті мұсылмандар қасиетті айда бір-бірін арандап қалмауға шақыруда.