Суданның мұсылман жастары биыл қасиетті Рамазан айында мұқтаж жандарға көмектесу бағытында сауапты да қайырлы болып табылатын қайырымдылық істерді біршама модернизациялап, қарызын төлей алмағаны үшін абақтыға жабылып, түрмеде жазасын өтеп жатқан жалғызбасты аналардың қарызын төлеп беріп, борышкерлерге бостандық алып беруде. «Біз он доллар үшін адамды жазықты етіп, оны жазалау үшін оның балаларының көзін жәудіретіп абақтыға жапқаны ақылымызға сыймайды, көңілімізге қонбайды», - деді өз еркімен осынау игі бастамаға үн қосып, атсалысып жүрген жастар белсендісі Сами Альшинави. Ал судандық саясаткер Раби Абд Алятидің айтуынша, бұл бастама – қасиетті Рамазан айындағы дәстүрге айналған қайырымдылық істердің осы заманғы жалғасы болып табылады.