Еврейлердің ұлт болып қара жамылып, аза тұтатын, тарихта "Холокост" (көне грек тіліндегі ὁλοκαύστος - жаппай өртеу мағынасын береді) деген атпен қалған, яғни, екінші дүниежүзілік соғыс кезінде фашистер еврейлерді жаппай қырып-жоюына байланысты геноцидтен аман қалған  Сал ван Коверден есімді 87 жастағы қарт еврей Нидерландыда хақ жолға түсті. Амстердам қаласындағы "Көгілдір" мешітінде жамағаттың алдында тілін кәлимаға келтіріп, шаһадат айтты. Холокостан Алланың құдыретімен аман қалған оған қарттар үйінде мұсылман қызметкер қараған екен. Сол мұсылман қызметкердің себепші болуымен хақ жолды тапты.