Қажылыққа өмірінде бір-ақ рет баруы мүмкін

Ресей Федерациясының мүфтилер кеңесі осы елдің азаматтары қажылыққа бір-ақ рет баруы мүмкін екенін жоққа шығармайды. Аталмыш кеңес төрағасының орынбасары Рушан Аббясов мәлімдегендей, қасиетті сапарға бөлінетін квотаның шектеулі болуына байланысты ел ішінде лимит енгізілуі мүмкін екенін ескертті. Яғни, лимит енгізілетін болса, бұл елдің азаматтары екінші мәрте қажылыққа бара алмайды. Есесіне, қажылық парызын өтемегендердің қасиетті сапарға аттану мүмкіндігі туады.