Мысырлық миллиардер Нагиб Савирис Таяу Шығыс пен Солтүстік Африкадағы қарулы қақтығыстан қашқан босқындар легінен ес жия алмай жатқан Еуропалық Одақтың бас ауруына айналған мигранттар мәселесін шешуге көмектесетінін мәлімдеді. Миллиардер бұл мәселені Италияның немесе Грекияның бірнеше аралын сатып алу арқылы шешкісі келеді. Осы мақсатта ол екі елдің басшыларына аралдарды сатып алу турасындағы ұсынысын білдірді. Твиттер әлеуметтік желісінде. Егер ойы жүзеге асса, аралдарда босқындарға жағдай жасап, олардың дербес мемлекетін қалыптастыратынын да жасырмаған. Әзірге миллиардердің бұл ұсынысына жауап айтылған жоқ.