Мысыр азаматы қажылыққа бару үшін жерін сатты

Жасы жетпіске келген Абдулла Абдул Ғаффар есімді мысырлық қария қасиетті сапарға аттануды бала кезінен армандаған екен. Алайда, қысқа жіп күрмеуге келмеген. Артық-ауыс қаражат болмағандықтан осы жасына дейін арманына қол жеткізе алмаған көрінеді. Биыл соның сәті түсті. Әйелімен және балаларымен ақылдасып, өзіне тиесілі әл-Миньядағы азғантай жер телімін сатып, кіші қажылыққа (ұмра)аттанды. Ол исламның бесігі болған нұрлы әрі киелі шаһардан алған әсерінен көз жасына ерік беріп, Аллаға шексіз шүкіршілік білдірді.