Өзбек билігі ежелгі тарихи Самарқан қаласындағы алты мешітті, атап айтқанда,  Янги Хайробод, «Кўк масжид», «Ургути», «Махмуди Хоразми», сондай-ақ, Шайх-ул-Ислом және Ёмини кешендерін бес жылға дейін тегін жалға береді. Тек бір шартпен: аталған ғибадат ғимараттарын кез келген инвестор өз есебінен жөндеуі тиіс. "Жалдау ақысы жөндеуге кеткен шығыннан өндіріп алынады. Жөндеуден өткізгеннен кейін кәсіпкер оны өзінің коммерциялық мақсатта қолдана алады: кіру билетін сата ма, әлде сувенирлік бұйымдарды саудаға шығара ма, т.б.",- деді Самарқан облысы бойынша мемлекеттік бәсеклестіктің өкілі Бекзод Пайшанов.