Катардың Доха қаласындағы аса ірі мешітте намазға келген жамағат медициналық тексеруден өтті. Бойында сусамыр дертінің бар-жоғын білу үшін. Айта кетейік, сусамыр Катардың бас ауруына айналған дерттердің бірі. Адам көп жиналатын қасиетті Рамазан айында осы мүмкіндікті пайдаланған медицина қызметкерлері жүздеген адамды тексеруден өткізіп, оларға аталмыш сырқат түрінен сақтанып жүрудің маңыздылығы мен жолдары түсіндірілді. Медициналық тексеруді жүргізу мақсатында мешіттің холында 25 кабина қойылды. Ұзын саны 1000-нан аса адам тексеруден өтіп қана қоймай, білікті дәрігерлерден кеңес алып, сусамыр жайында мәліметтер қамтылған қойын кітапшаларын алды.