Түркияның білім беру министрлігі білім беру мекемелеріндегі ережені күшейтті. Соның ішінде ғаламторды пайдалануға қатаң тыйым салынды. Оқушылар әлеуметтік желілерді мектеп қабырғасында пайдалану үшін бұдан былай мұғалімдердің рұқсатын алуы керек. Сондай-ақ, ғаламторда оқу ордасының аумағында түсірілген қандай да бір фото-суретті жариялауға, әсіресе, видеоны жүктеуге тыйым салынды. Мектеп қызметкеріне тіл тигізгендер жазасыз қалмайтын болды. Бұл тыйымға құлақ аспай, бейәдеп әрекеттерге барған, ұлттық құндылықтарға қайшы, адамгершілікке жат әректтерге жол берген оқушылар мектептен уақытша шығарылады.